Udalen datuak atalean, Behagi-Gipuzkoako Gizarte Behatokian eskuragarri dauden udalerrien inguruko adierazle nagusiak biltzen dituzten buletin berriak deskarga daitezke. Besteak beste, ezaugarri soziodemografiko, mendetasun eta ezintasun-egoeran dauden pertsona eta zerbitzu eta prestazio ekonomiko nagusien estalduren inguruko datuak eskaintzen dira. Halaber, udal-adierazle adierazgarrienen aukeraketa azaltzen da sexuaren arabera bereizia, non eskualde eta lurraldeko datuak ere agertzen diren.
Eskuragarri dago Gizarte Politikako Departamentuaren 2019ko memoria
Gipuzkoako Foru Aldundiko Gizarte Politikako Departamentuak dokumentu sakon honetan biltzen du 2019. urteari dagokion memoria. Honen bitartez, Departamentuak burutu dituen ekintza nagusien inguruko ikuspegi orokorra eman nahi da eta, bestetik, dokumentuak Foru Entitateak kudeatzen dituen gizarte zerbitzu eta diru-laguntza desberdinei buruzko hainbat datu estatistiko aurkeztea du helburu.
Gipuzkoako Gizarte Zerbitzuen Mapak 869 plaza berri aurreikusten ditu
Dokumentu hau, GFAk gure lurraldean Gizarte Zerbitzuen Euskal Sistemaren garapen egokia ziurtatzeko erabiliko duen planifikazio tresna da. 2018-2021 Maparen aurreikuspenaren arabera, 869 plaza berri irekiko dira datozen hiru urtetan, gehiengoa egoitza zentroetan (%77) eta mendetasun, ezgaitasun eta buru-gaixotasuna duten pertsonei zuzendutakoak (%83). Gizarte Zerbitzuen eskaintza Gipuzkoako biztanleen beharretara egokitzeaz gain, dokumentuak oinarrizko lurralde antolaketa proposamena barneratzen du, non lurraldea bederatzi eskualdeetan banatzen den, EAEko Mapak zehazten duen biztanle-eremuak errespetatuz.
Aurre!: Emakumeen kontrako indarkeriaren aurkako lehengo Foru Plana
Aurre!-ren helburu nagusia izango da emakumeen kontrako indarkeriari aurre egingo dion politika publiko berri bat garatzea, modu transbertsal batean. Aurre! Plana lau interbentzio alorretan egituratuta dago: prebentzioa eta sentsibilizazioa, prestakuntza, ikerketa eta arreta. Jarduera desberdinen artean, biolentzia pairatu dutenekin diharduten langileei nahiz tokiko administrazioko agenteei oinarrizko informazioa eskainiko zaie. Bestalde, biktima diren emakumeei eskainitako arreta maila hobetzearren, Foru Aldundia eta udaletxeak elkarlanean arituko dira lurralde osorako balioko duen jarduera- protokolo batek koordinaturik.
Udalen datuak
Ezagutu udalerri bakoitzaren egoera
Zentroen direktorioa
Txostenak
DENAK IKUSI
Indarkeria Matxistaren Emakume Biktima Babesteko eta Gizarteratzeko Zerbitzua. Gipuzkoako Foru Aldundia. Donostia-San Sebastián, 2020, 86 orr.